育兒心得｜兄弟不喜歡在嫲嫲家中逗留 育兒專家分析「四大長老」3個教養錯誤

「你最喜歡哪個科目？」我問10歲男童。

聰明機靈的男童挑了挑眉毛回答：「數學科。」「佢數學科全級第一名，拿過好多獎㗎！」有把聲音從旁插入，男童旋即臉泛潮紅，一臉靦腆。

我轉個話題：「咁你最鍾意玩乜嘢樂器？」男童的嘴角只是輕微跳動，同一把聲音搶快回答：「佢拉小提琴好叻㗎，喺學校成日表演呀！」

男童忍不住怪叫：「係大班人一齊表演呀！」

「咁你係最叻吖嘛，使乜怕醜啫！」那把聲音強而有勢，迫得男童縮了縮脖子放棄辯護了，別過臉托腮納悶。

最新影片推介：

我惟有轉而跟他的弟弟搭訕：「唏，你最鍾意食乜嘢？」八歲男童喜滋滋地回答：「我最鍾意食雪糕、薯條、漢堡包……」「佢就係鍾意食埋啲垃圾食物，有益嘅就唔食，嚴重偏食，乜嘢蔬菜佢都唔食㗎。」那把聲音又插入。

「咩呀？我邊係乜都唔食？我有食青瓜㗎！」男童不服氣，立即回嘴。

「你睇你，最叻就係駁嘴，讀書、運動、音樂係就無樣叻，你學下你阿哥啦，阿哥就乜都叻！」

這把強勢的聲音並非爸爸，也不是媽媽，是嫲嫲！我留意到當嫲嫲嘮嘮叨叨地整治兩個孫兒時，男童的爸爸坐於一旁側首納悶，不發一言，也許是愚忠愚孝類型，習慣了不敢頂撞母親吧！而男童的媽媽臉上則浮現不安之色，一臉痛苦難耐，她明顯也不敢得罪奶奶呢！

嫲嫲卻不知道自己最少犯了三個錯誤，一是「搶答」、二是「直斥其非」、三是「比較」，小孩又怎會喜歡你呢？話未說完：「走啦！走啦！」兩個男童同時嚷着要離開了。「哼，咁耐唔嚟，咁快又走！」嫲嫲呢喃道。

中小學測考季即將來臨，TOPick精選名校的中、英、數、常練習題：立即免費下載

HKET App已全面升級，TOPick推出親子、健康、娛樂、港聞及休閒生活資訊及影片，立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5